Andrei Tarkovsky

8.0

Solaris (1972)  Solaris (1972)တာကော့စကီးမှာ Features Film ၇ကားရှိတဲ့အထဲ Solarisနဲ့ Stalker နှစ်ကားပဲ Science Fictionပါ။ သူများဝတ္တုကို ရိုက်တာလည်း ဒီ၂ကားပဲ ရှိပါတယ်။ Solarisရဲ့ လက်ကျန်အတွေးစကနေ Stalkerဆက်ဖြစ်လာတယ်လည်း ပြောကြတယ်။ Solarisဟာ Stanisław Lemရဲ့ ဝတ္တုကိုရိုက်ထားတာဖြစ်ပြီး တာကော့စကီးနောက်မှာ Steven Soderberghက တစ်ခါရိုက်ခဲ့ပြီး ရူဆုခဲ ဟမဂုချိကလည်း သူ့ဆရာခိရိုရှိ ခုရိုဆ၀ အကြံပေးမှုနဲ့ ကျောင်းသားဘဝက ရိုက်ခဲ့ဖူးပါတယ်။ တာကော့စကီးရဲ့ Solarisကတော့ ရုပ်ရှင်သမိုင်းရဲ့ အကောင်းဆုံး Sci-fiတွေထဲက ထိပ်ဆုံးစာရင်းဝင်ကားဖြစ်ခဲ့ပါတယ်။အကြောင်းအရာကတော့ ဆန်းသလိုလို မဆန်းသလိုလိုပါပဲ။ Solarisဆိုတဲ့ ဂြိုဟ်ကြီးကို လေ့လာတဲ့သူတွေရဲ့ အာကာသစခန်းထဲက အဖြစ်အပျက်တွေအကြောင်းပါပဲ။ သိပ္ပံအကြောင်းအရာတွေကလည်း တခြားဘယ်ကားမှာမှ မတွေ့ဖူးတဲ့ အဆန်း‌ကြီးတွေပါပါတယ်။ တာကော့စကီး ရုပ်ရှင်ဆိုတော့ ကိုယ့်အတွေးကို ဒီသိပ္ပံဇာတ်အိမ်ထဲ ဘောင်ဘင်မခတ်တာ အကောင်းဆုံးပါပဲ။ကဗျာဆိုတာ ကိုယ့်ကိုယ်ကိုယ် ပြန်ရှာတွေ့ဖို့နေရာလည်း ဟုတ်ပါတယ်။ တာကော့စကီးရုပ်ရှင်ဟာ ...

movie

Solaris (1972)

8.1

Mirror (1975) Mirror(1975) =========== IMDb Rating - 8.1/10 Directed By Andrei Tarkovskyထုတ်ပြောမထားတဲ့ ခံစားချက်တွေဟာ မမေ့ရက်နိုင်စရာကောင်းတယ်တဲ့။ ကောင်မလေးတစ်ယောက်ကို ခင်ဗျား ချစ်နေတယ်ထား။ ခင်ဗျား သူ့နဲ့ စကားတွေ နည်းနည်းဖြစ်ဖြစ် များများဖြစ်ဖြစ် ပြောဖြစ်နေမယ်။ ခင်ဗျား သူ့ကိုချစ်နေတယ်ဆိုတဲ့ အချက်ကို အသေပြောချင်နေပေမဲ့ အကြောင်း‌ကြောင်းနဲ့ ခင်ဗျားမပြောဖြစ်ဘူး။ သူလည်းသိချင်သိမယ် မသိချင်မသိဘူး။ ခင်ဗျားကတော့ မပြောဖြစ်ဘူး။ ဒီလိုအခြေအနေမျိုးကို လူတစ်ဝက်လောက်တော့ ကြုံဖူးကြမယ်ထင်တာပ‌ဲ။ ဖြစ်ဖူးရင်တော့ အဲ့ဒီအချိန်မှာ ခင်ဗျား ခံစားရတဲ့ခံစားမှုကို စကားလုံးနဲ့ ဖော်ပြကြည့်။ ကျွန်တော်တော့ မဖော်ပြတတ်ဘူး။ သေချာတာကတော့ အဲ့ဒီခံစားမှုဟာ အ‌တော်လေးသိပ်သည်း ပြင်းထန်တယ်။ ဒါပေမဲ့ အဲ့ဒီခံစားမှုကို စကားလုံးနဲ့ ဖော်ပြဖို့ကြ မရတော့ဘူး။ စကားလုံးတွေဟာ လူသားရဲ့အမှန်စင်စစ် ခံစားမှုကို ဖော်ပြဖို့ရာ မလုံလောက်တဲ့ အရာတွေပဲ။ ခံစားမှုတွေကို ဖော်ပြဖို့ စကားလုံးတွေက မတတ်နိုင်ဘူး။ မော်ဒန်Artတွေမှာတော့ ရုပ်ပုံတွေဟာ ရုပ်ပုံမဟုတ်တော့ဘူး။ စကားလုံးတွေဟာ စကားလုံးတွေမဟုတ်တော့ဘူး။ ဖော်ပြချင်တဲ့ ခံစားမှုရဲ့ မသိကိန်းတစ်ခုကို ပိုပေါ်လွင်အောင် တိကျတဲ့အရာတစ်ခုကို ပုံဖော်ခြင်းရေးသားခြင်းမရှိတော့ဘဲ ခံစားမှုလိုမျိုးဝေဝါးတဲ့အရာတစ်ခုကိုသာ အနုပညာပစ္စည်းကို ခံစားမည့်သူကို ပေးအပ်လာတယ်။ ပြောရရင် ပရိတ်သတ်ကို အလုပ်ပေးထားတယ်။ သူတို့ဖန်တီးထားတဲ့ အနုပညာကိုအရင်းတည်ပြီး ...

movie

Mirror (1975)

8.1

Stalker (1979)  Stalker(1979) =========== By Andrei Tarkovsky IMDb - 8.1/10"တချို့ကတော့ ခင်မောင်ရင့်ဘဝဟာ ဘာမှမဟုတ်ဘဲ ပြီးသွားတယ် ပြောကြတယ်။ ဝမ်းနည်း စကားပေါ့။ ကျနော်က အဲဒီလို ဘယ်တုန်းကမှ မထင်ဘူး။ ခင်မောင်ရင်ဟာ သူ့ဘဝရဲ့အကြောင်း အကုန် နားလည်တယ်။" ဝင်းဖေက ခင်မောင်ရင်ကို ဒီလိုပြောခဲ့တယ်။ အားမကျမိဘူးလား။ ငါတော့အားကျတယ်။ ကိုယ့်ဘဝကိုကိုယ် နားလည်တာထက် ဖြစ်တည်မှုအတွက်အရေးကြီးတာဘာရှိဦးမလဲ။ ဖြစ်တည်မှုဟာ အရင်လာလား။ ဖြစ်တည်ရတဲ့အကြောင်းရင်းဟာ အရင်လာလား။ အတော်ရူးမိုက်တဲ့အမေးပဲ အကြောင်းရင်းသာအရင်လာခဲ့ရင် ငါတို့တွေ ဒီလိုအဓိပ္ပာယ် ပျောက်နေ စရာလိုပါ့မလား။ ဖြစ်တည်မှုရဲ့အဓိပ္ပာယ်ကို တာကော့စကီးဟာ ငါတို့ကို မေးခွန်းထုတ်သွားတယ်။ ဒါပေမဲ့ အဖြေကို သူမပေးနိုင်ဘူး။ သူ့ဘာသာသူလည်း ရေရာပုံမရဘူး။ ဒါကြောင့်ပဲ ငါတို့အတူတူရှာဖွေခဲ့ကြရတယ်။ အနုပညာဟာ ရိုးသားရတယ်မလား။ တာကော့စကီးက ရိုးသားတယ်။ အဖြေကိုသူဘယ်တော့မှမတွေ့ဘူး။ ရုပ်ရှင်မှာ ငါတို့ဟာ သူနဲ့အတူတူရှာရတယ်။ သေတဲ့အထိမတွေ့တာလည်းဖြစ်နိုင်တယ်။ သောက်ကြီးသောက်ကျယ်ပြောရရင် ဒါကိုကလည်း ဘဝပဲ။ "ထိုအရာဟာ ဥက္ကာခဲတစ်ခုလား အပြင်ဘက်အာကာသမှ ကမ္ဘာမြေပေါ် ဆိုက်ရောက်လာသော အရာတစ်ခုခုလား" ထိုအရာဟာ ဘာပဲဖြစ်ဖြစ် ကျုပ်တို့ရဲ့ တိုင်းပြည်ငယ်လေးမှာ ထိုအရာကြောင့် "ဇုန်"ဆိုတဲ့ ဆန်းကြယ်တဲ့နေရာတစ်ခုပေါ်ပေါက်လာခဲ့တယ် ဇုန်ဆိုတဲ့နေရာမှာ အခန်းတစ်ခုရှိတယ်။ အဲ့ဒီအခန်းဟာ ဆန္ဒတွေကို တကယ်ဖြစ်မြောက် လာစေတဲ့နေရာလို့ဆိုကြတယ်။ အဲ့ဒီကိုသွားခဲ့ကြတဲ့ လူအချို့ဟာ ပြန်မလာကြတော့ဘူး ဒီနေရာဟာ ဘယ်လိုနေရာလဲ" ဒါက ရုပ်ရှင်ထဲက အကြောင်းအရာတွေ။ ငါတော့ အဲ့ဒီနေရာကို ဖြစ်တည်မှုကို ရှာဖွေကြတဲ့နေရာလို့ပဲ သတ်မှတ်ချင်တယ်။ ရုပ်ရှင်ထဲက ရှာဖွေကြတဲ့လူသုံးယောက်မှာ အကုန်လုံးမတွေ့ခဲ့ကြတာလား။တစ်ယောက်က တွေ့ခဲ့တာလား တထစ်ချ‌မပြောတတ်ဘူး။ ဖြစ်တည်မှုကို ...

movie

Stalker (1979)

8.1

Nostalgia (1983) [Unicode]Nostalgia (1986) ============= IMDb Rating = 8.1 out of 10 Directed By Andrei Tarkovsky၁ + ၁ = ၁ ဘယ်လောက်အထိဝေးလာခဲ့လဲ ငါမသိဘူး ပြန်မရောက်တော့တဲ့နေရာတစ်ခုရဲ့ နှိက်စက်သမှုကို အလူးအလဲခံနေရတဲ့ ငါတို့အမှားတွေကို ငါတို့အမှား ဟုတ်ဟုတ်မဟုတ် ရထားပေါ်တင် ဘုဇပတ်ပင်တွေရှိတဲ့မြို့ဆီ ချစ်ခြင်းနဲ့တွဲတဲ့နောင်တဆိုတဲ့ အကြီးဆုံးဝေဒနာကို ပြန်ပို့လိုက်ကြတယ်။ ရေတစ်စက်နဲ့ ရေတစ်စက်ပေါင်းတော့လည်း ရေတစ်စက်ပဲ ပြန်ရတာပါပဲ။ ဖွင့်ပြောမထားတဲ့ ခံစားချက်တွေဟာ မမေ့ရက်နိုင်စရာကောင်းလွန်းတယ်။ ရုပ်ရှင်သမိုင်းတစ်လျှောက်က အကြီးကျယ်ဆုံး လူတွေကို ရွတ်ပြရရင် တာကော့စကီးဟာ ထိပ်ဆုံးကပါနေရမယ့် နာမည်မျိုးပဲ။ ရုပ်ရှင်သမိုင်းရဲ့ အကျော်ဇေယျတွေထဲက တစ်ယောက်ဖြစ်တဲ့ Ingmar Bergman ကိုယ်တိုင်ကိုက တာကော့စကီးကို "Greatest of us all"လို့ ထောပနာပြုထားခဲ့ဖူးတယ်။ Poetic Cinemaဆိုတဲ့စကားလုံးကို ပြောလိုက်ရင် တာကော့စကီးဆိုတာ အဲ့ဒီစကားလုံးနဲ့ တစ်သားတည်း ရပ်တည်နေမယ့် သူ။ တာကော့စကီးဟာ ဝေဝါးသိပ်သည်းတဲ့ ခံစားမှုအစိုင်အခဲ တစ်ခုကို ခင်ဗျားရင်ထဲထည့်ပေးရုံကလွဲ ဘာမှပေးစွမ်းမှာမဟုတ်ဘူး။ ဒါကြောင့်လည်း တာကော့စကီးရုပ်ရှင်တွေဟာ ကြည့်ရှုဖို့ မဟုတ်တဲ့ ခံစားဖို့သက်သက် ရုပ်ရှင်တွေလို့ တစ်ချို့ကပြောကြတယ်။ သူ့ရုပ်ရှင်တွေကို ဘယ်လိုရုပ်ရှင်မျိုးတွေ ပါလို့တော့ ဓာတ်ခွဲမပြတတ်ဘူး။ သေချာတာတော့ သူ့ရုပ်ရှင်ဟာ ဒီနေ့ခေတ်ရုပ်ရှင်တွေထက်တောင် ပိုသစ်လွင်နေတယ်။ တာကော့စကီးရဲ့ ရုပ်ရှင်ဟာ ရုပ်ရှင်မဟုတ်ဘူး မှော်ပညာပါပဲ။ အချိန်အတော်ကြာပြီးတဲ့အခါမှာ ခင်ဗျား ဒီရုပ်ရှင်ထဲက ဇာတ်ဝင်ခန်းတွေ ပုံရိပ်တွေ စကားလုံးတွေကို ဘာတစ်ခုမှ ရေရေရာရာ မမှတ်မိတော့တဲ့ အခြေအနေတစ်ခု ဖြစ်ကောင်းဖြစ်လာလိမ့်မယ်။ မတော်လို့ဒီရုပ်ရှင်ကို ...

movie

Nostalgia (1983)