Zeroville (2019)

Synopsis:

Zeroville(2019)

ဒီဇာတ်ကားကတော့ပရိသတ်ရင်းနှီးပြီးသားဖြစ်တဲ့ James Franco နဲ့ Seth Rogan တို့အတွဲရဲ့ လူသိပ်မသိတဲ့ဇာတ်ကားကောင်းတစ်ကားပါ။ ကျနော်တစ်ယောက်ထဲအမြင်အရဆိုရင် သူတို့အတွဲကလည်း လီယိုနာဒိုနဲ့ တိုဘီမဂွိုင်းယား၊ စီလီယန်မာဖီနဲ့ တွမ်ဟာဒီတို့အတွဲတွေလို ဟောလိဝုဒ်ရုပ်ရှင်လောကမှာ Chemistry အမိဆုံးတွဲဖက်တွေလို့သတ်မှတ်လို့ရပါတယ်။ သူတို့နှစ်ယောက်တွဲလိုက်တိုင်း ဟာသကားတွေပဲအရိုက်များပေမယ့် ဒီကားကတော့ဟာသကားမဟုတ်ပဲနဲ့ ကြည့်ရတာလေးလေးနက်နက်ရှိပြီး အိုဗာတွေလည်းလုံးဝမပါတဲ့ကားမျိုးပါ။

ဒီကားရဲ့အသက်ကတော့ ဇာတ်လမ်းဇာတ်အိမ်ထက် James Franco ရဲ့ရုပ်ရှင်ပညာကိုမြင်ရတာပါပဲ။ သူကိုယ်တိုင်ဖန်တီးပြီး ကိုယ်တိုင်သရုပ်ဆောင်သွားတာဘယ်နေရာမှအပိုအလိုမရှိတဲ့အပြင် သူ့ရဲ့အနုပညာဝမ်းစာဘယ်လောက်ပြည့်လဲဆိုတာကိုပြသွားတဲ့ကားမျိုးလို့ဆိုရင်လည်းမမှားနိုင်ပါဘူး။

ဇာတ်လမ်းဘက်ကိုသွားရရင်တော့ ၁၉၇၀ ပတ်ဝန်းကျင်ဟောလီးဝုဒ်မှာဇာတ်အိမ်တည်ထားပါတယ်။ အဓိကဇာတ်ဆောင်ဖြစ်တဲ့ James Franco ဟာ ရုပ်ရှင်တွေကိုချစ်တာထက် မူးယစ်ဆေးလိုစွဲလမ်းနေတဲ့လူတစ်ယောက်ဖြစ်ပြီး သူအကြိုက်ဆုံးရုပ်ရှင်ဇာတ်ဝင်ခန်းကို ခေါင်းမှာပါတက်တူးထိုးထားတဲ့အထိပါပဲ။ ဒီလိုနဲ့သူကိုယ်တိုင်လည်းရုပ်ရှင်တွေဖန်တီးချင်တဲ့စိတ်ဖြစ်လာပြီး ဟောလီးဝုဒ်ကိုရောက်လာခဲ့ပါတယ်။ အဲဒီနောက်ဘာတွေဆက်ဖြစ်မလဲဆိုတာတော့ မပြောပဲကိုယ်တိုင်ကြည့်မှပိုအရသာရှိမယ်လို့ထင်တာကြောင့်မပြောတော့ပါဘူး။

သူနဲ့ Seth Rogan ရဲ့ Chemistry မိမိသရုပ်ဆောင်ချက်တွေအပြင် မင်းသမီးကလည်း Megan Fox ဆိုတော့ အဲဒါနဲ့တင်ကြည့်ရတာတန်နေပါပြီ။
ဒီဇာတ်ကားကဘာရသပေးချင်တာလဲ ဘာကိုပြချင်တာလဲဆိုတာတွေကိုအဓိကထားပြီးကြည့်တဲ့လူတွေနဲ့တော့ သိပ်မကိုက်နိုင်ပါဘူး။ American Psycho တို့လိုဇာတ်ကားပြီးသွားတာတောင် ကိုယ့်ဘာသာ concept တွေထုတ်ပြီးတွေးစရာတွေချန်ပေးခဲ့တာမျိုးပါ။

ဘာတွေတွေးရမလဲ ဘာတွေချန်ခဲ့မှာလဲ ဆိုတာသိချင်ရင် ပရိသတ်ကိုယ်တိုင်ပဲကြည့်ရှုခံစားပေးပါဦး။

(ရုပ်ရှင်အညွှန်းနဲ့ဘာသာပြန်ကို Min Khant Bo မှ တင်ဆက်ထားပါတယ်။)

File size…(1.3 GB)/(500 MB)
Quality….WEB-DL 1080p/720p
Format…mp4
Duration….01:36:00
Subtitle….Myanmar Subtitle (Hardsub)
Encoder….Nyeinsaeya Aung
Translated by Min Khant Bo