Castlevania : Nocturne (2023)
………………………………….
IMDb Rating – 7.5/10
Rotten Tomatoes 100%
များသောအားဖြင့်ဇာတ်လမ်းတစ်ခုပေါက်လို့ နောက်ဆက်တွဲတွေ ဆက်ထုတ်ရင်
ဂွမ်းတာများပေမဲ့ ဒီစီးရီးကတော့ ပထမစီးရီးကိုကောင်းကောင်းကြီးယှဥ်နိုင်တဲ့အနေ
အထားမှာရှိပါတယ်။ ဇာတ်လမ်းဆင်ထားတာတော့ ပထမစီးရီးကအဖြစ်အပျက်ပြီး
နှစ်ပေါင်းသုံးရာအကြာ ပြင်သစ်နိုင်ငံရဲ့တော်လှန်ရေးကာလ ( ၁၇၈၉ -၁၇၉၉)ပါ။
မြန်မာတွေသိကြတဲ့ဇာတ်လမ်းဖြစ်တဲ့ လူတွေငတ်ပြတ်နေလို့ ပေါင်မုန့်တောင် စာစရာ
မရှိဘူးဆိုပြီး ဘုရင်ကိုတောင်းဆိုချိန်မှာ ပေါင်မုန့်မရှိရင် ကိတ်မုန့်စားဆိုပြီးဘုရင်မက
ပြောခဲ့ရာကနေ လူထုအုံကြွမှုပိုဆိုးသွားပြီး နောက်ဆုံး ပြည်သူတွေဟာ နန်းတော်ထဲ
အထိဝင်စီးကာ ဘုရင်ကိုရော၊ ဘုရင်မကိုပါ ဖမ်းဆီးပြီး ခေါင်းဖြတ်သတ်ခံထိတဲ့ ဘုရင်မ
Marie Antoinette (မာရီအန်တွာနတ်)က ဒီဘုရင်မပါပဲ။
ပြင်သစ်တော်လှန်ရေးအကြောင်းကိုအကြမ်းဖျင်းလေပေါပြရရင်တော့ ပြင်သစ် တော်
လှန်ရေးဆိုတာက ၁၈ ရာစုနှောင်းပိုင်းကာလ ၁၇၈၉ – ၁၇၉၉ ခုနှစ်အတွင်း ပြင်သစ်သမိုင်း
မှာဖြစ်ပျက်ခဲ့တဲ့ နိုင်ငံရေး၊ လူမှုရေး အပြောင်းအလဲကြီး တစ်ရပ်ပါ။ အဲ့ဒီခေတ်ကာလတုန်း
က ပြင်သစ်နိုင်ငံမှာ ဘုရင်နှင့် ဘာသာရေး အကြီးအကဲ ကက်သလစ် ဘုန်းတော်ကြီးများ
ကြီးစိုးသည့် သက်ဦးဆံပိုင် ဧကရာဇ် စနစ်ကိုတွန်းလှန်ခဲ့ပြီးလူတိုင်း တန်းတူ အခွင့်အရေး
ရှိသည့် အုပ်ချုပ်ရေး စနစ်သို့ ကူးပြောင်းနိုင်ခဲ့ပါတယ်။ တော်လှန်ရေးစတင်ဖြစ်ပွားစေတဲ့
အကြောင်းအရင်းကတော့ ပြင်သစ်ဘုရင် လူဝီ၁၄ရဲ့ အသုံးအဖြုန်းကြီးပြီး သြဇာအာဏာ
ကြီးမားချင်ရာကနေ အိမ်နီးချင်းတိုင်းပြည်တွေကိုစစ်ခနခနတိုက်လို့ စစ်စရိတ်ထောင်းပြီး
အခွန်တွေတိုးကောက်၊ ကုန်စျေးနှုန်းတွေစကြီးလာတာကြောင့်ပါ။ နောက်တက်တဲ့ဘုရင်
တွေဖြစ်တဲ့ လူဝီ၁၅၊ လူဝီ၁၆တို့ဟာလည်း အသုံးအဖြုန်းကြီးတဲ့ဘုရင်တွေပါပဲ။ ပြည်သူ
တွေမွဲသထက်မွဲလာပြီး ပြည်သူတွေရဲ့အခြေအနေကပိုဆိုးလာပါတယ်။ ဘုရင်ကိုကပ်ဖား
နေတဲ့မှူးမတ်တွေနဲ့ ကတ်သလစ်ဘုန်းကြီးတွေကလည်း မြေတွေကိုအများကြီးရယူထားပြီး
အခွန်မဆောင်ကြတော့ အခြေအနေကပိုဆိုးလာပါတယ်။ နယ်စားမြို့စားတွေဘာလုပ်လုပ်
ပြည်သူဘက်က တရားပြန်စွဲဆိုခွင့်မရှိတော့ မကျေနပ်ချက်တွေလည်းပိုများလာတယ်လေ။
အဲ့ဒီကာလမှာ ပြည်သူတွေကို အသိဥာဏ်ဖွင့်ပေးတဲ့ပညာရှိစာရေးဆရာတွေဖြစ်တဲ့ ဗော်လ
တဲယား၊ မွန်တက်စကျူး၊ ရူးဆိုးတို့ရဲ့လမ်းပြပေးမှုကြောင့် ဘုရင်ဆိုတဲ့ကောင်တွေဟာ နတ်
သိကြားတွေလည်းမဟုတ်၊ မိုးကျရွှေကိုယ်တွေလည်းမဟုတ်တာကို ပြည်သူတွေဟာ ပိုပိုပြီး
သဘောပေါက်လာကြပြီး အုပ်ချုပ်ရေးပိုင်းမှာလည်း ပြည်သူတွေပါခွင့်ရှိကြောင်းသိလာရသလို
အရမ်းကိုနုံချာစုတ်ပြတ်နေတဲ့မိမိတို့အခြေအနေကိုပါသတိပြုလာကြတယ်။ နောက်တော့
၁၇၈၉မှာ ဘုရင်ဆိုတဲ့ကောင်ဟာ သူသုံးဖြုန်းနေတာကိုကာမိဖို့အခွန်တိုးကောက်ဖို့အတွက်
အစည်းအဝေးခေါ်တယ်။ ပြည်သူ့ကိုယ်စားလှယ်တွေက ကန့်ကွက်တယ်။ ဘုရင်က စစ်တပ်နဲ့
ချိန်းခြောက်တယ်။ ပြည်သူ့ကိုယ်စားလှယ်တွေက လွှတ်တော်ကနေထွက်ပြီး စင်ပြိုင်လွှတ်
တော်ထောင်တယ်။ ခြေဥအသစ်ရေးဆွဲပြီးတဲ့အထိ လွှတ်တော်ကိုမဖျက်သိမ်းဘူးလို့ကျိန်ဆို
ကြတယ်။ ဘုရင့်လွှတ်တော်က တခြားလွှတ်တော်ကိုယ်စားလှယ်တွေလည်းအမြင်မှန်ရပြီး
လာပူးပေါင်းတယ်။ နောက်ဆုံးတော့ ပြည်သူတွေရဲ့လွှတ်တော်ကိုဘုရင်က အသိအမှတ်ပြု
ရတယ်။ ဒါပေမဲ့ အင်အားသုံးဖြိုခွဲဖို့ကိုတော့ဆက်လုပ်တယ်။ လွှတ်တော်ရဲ့ဝန်ကြီးချုပ်ကို
ဖြုတ်ပစ်တယ်။ အဲ့ဒီအခါမှာတော့ ပြည်သူတွေဟာ လက်နက်တွေရဖို့ ဗက်စတီးကိုအကျဥ်း
ထောင်ကိုတိုက်ခိုက်တယ်။ သက်ဦးဆံပိုင်ဘုရင်စနစ်ကိုတော်လှန်မှုစဖြစ်ပွားတယ်။ နောက်
တော့ စည်မျဥ်းခံဘုရင်စနစ်ကိုပြောင်းပစ်နိုင်ခဲ့တယ်။ ကျွန်စနစ်ကိုဖျက်သိမ်းပေးလိုက်ရတယ်။
လူတိုင်းဟာ လွတ်လပ်စွာပြောဆိုခွင့်၊ မဲပေးခွင့်ရလာတယ်။ လူဝီဘုရင်ဟာ စည်းမျဥ်းခံဘုရင်
စနစ်အောက်မှာ အကျဥ်းသားလိုနေရလို့ပြင်သစ်နိုင်ငံရဲ့ရန်သူနိုင်ငံတွေနဲ့လျှို့ဝှက်ဆက်သွယ်
တယ်။ နောက်တော့ထွက်ပြေးဖို့ကြိုးစားရာကနေ ပြန်အဖမ်းခံရတယ်။
ဘုရင်ကိုလူတွေက မယုံကြည်ကြတော့တာမလို့ တော်လှန်ရေးသမားတွေထဲမှာ ဘုရင့်ဂိုဏ်းနဲ့
သမ္မတဂိုဏ်းဆိုပြီး၂ခုကွဲတယ်။ သမ္မတဂိုဏ်းကအာဏာရလာပြီး စည်းမျဥ်းခံဘုရင်စနစ်ကိုဖျက်
သိမ်းပြီး သမ္မတစနစ်ကိုထူထောင်တယ်။ ဘုရင်ကိုကွပ်မျက်ပစ်တယ်။ သမ္မတစနစ်ဖြစ်လာပေမဲ့
ကတ်သလစ်ဂိုဏ်းဟာ ဘာသာရေးချုပ်ချယ်တယ်ဆိုပြီး အစိုးရသစ်ကိုအားမပေးတော့ဘူး။
ဘုရင့်ဂိုဏ်းကလူတွေကလည်း ထကြွပုန်ကန်တယ်။ ငွေစက္ကူတွေကိုစည်းကမ်းမဲ့ရိုက်နှိပ်လို့
ကုန်သည်တွေကလည်း မကျေမနပ်ဖြစ်လာတယ်။ ဘုရင်စနစ်ကိုဖျက်သိမ်းနိုင်ခဲ့တာမလို့ ဥရောပ
က တခြားသက်ဦးဆံပိုင်နိုင်ငံတွေဟာ သူတို့ဆီမှာအလားတူအရေးတော်ပုံထပ်ပေါ်လာမှာစိုးပြီး
ပြင်သစ်အစိုးရကိုဝိုင်းတိုက်ခိုက်ဖို့လုပ်တယ်။ အဖက်ဖက်က ဘေးကြပ်နံကြပ်အခြေအနေတွေ
ဖြစ်လာတာမလို့ ပြင်သစ်ဟာ လွတ်လပ်ရေးကိုခနစွန့်လွှတ်ပြီး ကာကွယ်ရေးကော်မတီလို့ခေါ်တဲ့
အဖွဲ့ဆီကိုအာဏာကုန်လွှဲအပ်လိုက်ရတယ်။ ကော်မတီဟာ အာဏာရှင်စနစ်နဲ့အုပ်ချုပ်တယ်။
ဘုရင့်ဂိုဏ်းသားတွေကိုဖမ်းရင်လည်း အပြစ်မဲ့ပြည်သူတွေကိုပါမသင်္ကာမှုနဲ့ဖမ်းဆီးသုတ်သင်တာ
တွေလုပ်ခဲ့တယ်။ သမ္မတဂိုဏ်းမှာလည်း သမ္မတနိုင်ငံရဲ့ရန်သူမှန်သမျှကိုခပ်ကြမ်းကြမ်းနှိမ်နင်းတဲ့
ဂိုဏ်းနဲ့အသတ်အဖြတ်လျှော့ချင်တဲ့ဂိုဏ်းဆိုပြီး၂ခြမ်းကွဲတယ်။ နောက်တော့ ခပ်ကြမ်းကြမ်းနှိမ်
နင်းတဲ့ဂိုဏ်းက လွှမ်းမိုးသွားပြီး ကျန်ဂိုဏ်းကလူတွေကိုပါနှိမ်နင်းသတ်ဖြတ်ပစ်တယ်။
သမ္မတအစိုးရဟာ ပြည်တွင်းပြည်ပရန်သူများကို မညှာမတာနှိပ်ကွပ်တယ်။ ပရပ်ရှားနှင့် ဩစတြီးယား
စစ်တပ်များရဲ့ကျူးကျော်စော်ကားမှုကိုလည်း တွန်းလှန်ခဲ့တယ်။ ပြည်တွင်းပြည်ပရန်များ ကင်းရှင်း
လာတော့လူထုဟာ သတ်ဖြတ်မှုများကို ညည်းငွေ့လာကြတယ်။ ကော်မတီခေါင်းဆောင်အပါအဝင်
တယူသန်သမားတွေကိုသတ်ပစ်လိုက်တယ်။ ပြီးတော့ ခြေဥသစ်ရေးဆွဲပြီး အစိုးရအသစ်တက်လာ
တယ်။ ခေါင်းဆောင်ငါးဦးပါလို့ ငါးဦးအစိုးရလို့ခေါ်ကြတယ်။ ငါးဦးအစိုးရလက်ထက်မှာ ပြည်ပရန်
တွေကိုနိုင်နင်းခဲ့ပေမဲ့ ပြည်တွင်းမငြိမ်မသက်မှုကိုမထိန်းသိမ်းနိုင်ခဲ့ဘူး။ ငါးဦးကိုယ်တိုင် ဖောက်ပြား
လာခဲ့တယ်။ နောက်တော့ နပိုလီယံက အာဏာသိမ်းလိုက်တော့တယ်။ အဲ့မှာပဲ ပြင်သစ်တော်လှန်ရေး
ကလုံးဝဇာတ်သိမ်းသွားရတာတော့တယ်။
ဒါကတော့ ပြင်သစ်တော်လှန်ရေးအကြမ်းဖျဥ်းပါ။ အကြမ်းဖျဥ်းတောင်မှ ရေးရတာတော်တော်ကို
ရှည်ပါတယ်။ 😁ရေးတာကရှည်နေပြီဆိုတော့ ဇာတ်လမ်းအကျဥ်းကိုအများကြီးထပ်မရေးတော့ဘူး။
အပေါ်မှာရေးထားတဲ့တော်လှန်ရေးကြီးမှာ သွေးစုပ်ဖုတ်ကောင်တွေက မင်းစိုးရာဇာတွေဘက်မှာပါ
တယ်ဆိုပြီးဇာတ်လမ်းဆင်ထားတယ်လို့ပဲပြောပါရစေ။
(ဒီစီးရီးရဲ့ အညွှန်းနဲ့ဘာသာပြန် ရေးသားပေးသူကတော့ DrNyan
ဖြစ်ပါတယ်။)
File Size………….(700 MB)
Quality……………WEB-DL 1080p
Duration…………30Mins(@Episode)
Subtitle…………..Myanmar Hardsub
Format……………MP4
Genre……………..Animation, Action, Adventure
Translator……….DrNyan
Encoder…………..SWM
1080P (700 MB)
———————————–
Episode(1) – Yoteshin / Megaup / MegaNZ / StreamWish / Usersdrive
Episode(2) – Yoteshin / Megaup / MegaNZ / StreamWish / Usersdrive
Episode(3) – Yoteshin / Megaup / MegaNZ / StreamWish / Usersdrive
Episode(4) – Yoteshin / Megaup / MegaNZ / StreamWish / Usersdrive
Episode(5) – Yoteshin / Megaup / MegaNZ / StreamWish / Usersdrive
Episode(6) – Yoteshin / Megaup / MegaNZ / StreamWish / Usersdrive
Episode(7) – Yoteshin / Megaup / MegaNZ / StreamWish / Usersdrive
Episode(8) – Yoteshin / Megaup / MegaNZ / StreamWish / Usersdrive – End
ရုပ်ရှင်များကို လွယ်ကူစွာကြည့်ရှုလိုပါက CM App ကို www.cmapp.tv မှာ ရယူပါ။ CM App မှာ Streaming လည်းရသလို One Click Download လည်း ပြုလုပ်နိုင်ပါတယ်။