ဂန္တဝင်လက်ရာတစ်ခုဖြစ်တဲ့ ဒီရုပ်ရှင်ကိိုတော့ ရုပ်ရှင်ဝါသနာပါသူတွေ ကြားဖူးကြမှာပါ။ ဇာတ်လမ်းက Road Film အမျိုးအစားပါ။ ဇာတ်အိမ်တစ်ခုလုံးကို အဝေးပြေးလမ်းမကြီးတွေပေါ်မှာ တည်ထားပြီး ဇာတ်ကောင်တွေ လမ်းခရီးတစ်လျှောက်ကြုံတွေ့ခဲ့တဲ့အဖြစ်သနစ်တွေကို တင်ဆက်ထားတဲ့ဇာတ်လမ်းမျိုးပါ။ Little Miss Sunshine နဲ့ Natural Born Killers တို့လို Road Films တွေကိုနှစ်သက်ရင်တော့ ဒီရုပ်ရှင်ကိုလည်း အကြိုက်တွေ့ပါလိမ့်မယ်။ ဒီရုပ်ရှင်ရဲ့ဒါရိုက်တာကတော့ ဂန္တဝင်ဒါရိုက်တာကြီး RidleyScott ဖြစ်ပြီး ၁၉၉၁ ခုနှစ်မှာထွက်ရှိခဲ့တာဖြစ်ပါတယ်။ Adventure/Drama/Crime ရုပ်ရှင်အမျိုးအစားဖြစ်ပြီး သူ့ရဲ့ အကောင်းဆုံးလက်ရာတွေထဲကတစ်ခုအဖြစ်သတ်မှတ်ခံရတဲ့ ရုပ်ရှင်လည်းဖြစ်ပါတယ်။ ရာဇဝတ်မှုတစ်ခုကျူးလွန်မိပြီးနောက် ထွက်ပြေးတိမ်းရှောင်ဖို့ကြိုးစားတဲ့Thelma နဲ့ Louise ဆိုတဲ့ အမျိုးသမီးနှစ်ယောက်ရဲ့အကြောင်းကို တင်ဆက်ထားတာဖြစ်ပါတယ်။
ဇာတ်လမ်းအကျဥ်းကတော့ Thelma ဟာ ခင်ပွန်းဖြစ်သူရဲ့ ဖိနှိပ်ချုပ်ချယ်ခြင်းကိုခံနေရတဲ့ ရိုးရိုးအအ အိမ်ထောင်ရှင်တစ်ဦးဖြစ်ပြီး သူ့သူငယ်ချင်းဖြစ်သူ Louise ကတော့ အတိတ်ကစိတ်ဒဏ်ရာတစ်ခုကိုခံစားနေရတဲ့ စားပွဲထိုးတစ်ဦးပါ။ သူတို့နှစ်ယောက်လုံးက သူတို့ရဲ့ပတ်ဝန်းကျင်လူမှုအသိုက်အဝန်းကို စိတ်ကုန်နေတဲ့ သာမန်မိန်းကလေးတွေဖြစ်ကြပြီး စိတ်ပြေလက်ပျောက်ဖြစ်ဖို့အတွက် နှစ်ယောက်သား အပန်းဖြေခရီးထွက်လာကြပါတယ်။ လမ်းခုလတ်မှာတော့ ရာဇဝတ်မှုတစ်ခုကို မတော်တဆကျူးလွန်မိရာကနေ ဥပဒေလက်ကနေထွက်ပြေးဖို့ အသည်းအသန်ကြိုးစားကြရပါတော့တယ်။ 1991 ကထွက်ရှိခဲ့တဲ့ ဒီအမေရိကန်ရုပ်ရှင်ဟာ အောင်မြင်မှုအကြီးအကျယ်ရရှိခဲ့ပြီး အကောင်းဆုံးရုပ်ရှင်တွေထဲက တစ်ခုအဖြစ်သတ်မှတ်ခံရပါတယ်။ ဒါရိုက်တာဆုအပါအဝင်အော်စကာဆု ၆ခု ဆန်ကာတင်ဝင်ပြီး အကောင်းဆုံးဇာတ်ညွှန်းဆုနဲ့ အော်စကာရရှိခဲ့ပါတယ်။
Thelma နေရာသရုပ်ဆောင်တဲ့ Geena Davis နဲ့ Louise နေရာမှာသရုပ်ဆောင်တဲ့ Susan Sarondon တို့နှစ်ဦးစလုံး Best Actress အဖြစ်နဲ့ အော်စကာဆုဆန်ကာတင်ရွေးချယ်ခံခဲ့ရပါတယ်။ ဒီဇာတ်ကားက Brad Pitt တစ်ယောက် major role မှာ ပထမဆုံးပါဝင်ခဲ့တဲ့ဇာတ်ကားလည်းဖြစ်ပါတယ်။ ဒီဇာတ်လမ်းက လူ့အဖွဲ့အစည်းရဲ့မိန်းမတွေအပေါ်ခွဲခြားဆက်ဆံမှု၊ ဖိနှိပ်မှုတွေကို သိမ်မွေ့စွာဖော်ညွှန်းထားပြီး ဇာတ်ကောင်မိန်းကလေးနှစ်ယောက် သူတို့ရဲ့စိတ်ဒဏ်ရာတွေကနေ လွတ်မြောက်ဖို့ရုန်းကန်ရပုံ၊ သူတို့နှစ်ဦးအကြားက သံယောဇဥ်ကြိုးတွေပိုလို့ခိုင်မြဲလာပုံကိုတင်ပြထားပါတယ်။ သူတို့ကျင်လည်နေတဲ့ လူ့အဖွဲ့အစည်းကပေးတဲ့ ဒုက္ခတွေကိုခါးစည်းခံစားရင်း နောက်ဆုံးမှာ Thelma နဲ့ Louise တို့နှစ်ယောက် လွတ်မြောက်နိုင်မလားဆိုတာကို ဇာတ်လမ်းအဆုံးထိကြည့်ရှုစေချင်ပါတယ်။ ဘာသာပြန်သူက Wolfenheimဖြစ်ပါတယ်။
File size…(2.2 GB)/(1.1 GB)/(670 Mb)
Quality….Webrip 1080p / 720p / 480p
Format…mp4
Duration….02:10:00
Genre…Drama, Thriller, Crime, Adventure
Subtitle….Myanmar Subtitle (Hardsub)
Encoder….Mr. Anderson
Translated by Wolfemhein
ရုပ်ရှင်များကို လွယ်ကူစွာကြည့်ရှုလိုပါက CM App ကို www.cmapp.tv မှာ ရယူပါ။ CM App မှာ Streaming လည်းရသလို One Click Download လည်း ပြုလုပ်နိုင်ပါတယ်။
